فليسقط الأستعمار

فليسقط الأستعمار ................ فليسقط الأستعمار قوم يا مصري مصر دايما بتناديك قوم لنصري نصري دين واجب عليك نعم دين واجب علينا كلنا ننصرها من الداخل قبل كمان ما يجلنا الأستعمار من الخارج دايما ومصر البوابه الفولاذيه التي تتحطم عليها كل أطماع المستعمريين ويشهد التاريخ علي صدها للحروب الصلبيبيه وصدهاللتتار بس لما يكون المستعمر من جواها ومن وسطينا ومن أهلها وحليف كمان لعدوها نسكت ونرضخ ونذوق الذل والهوان ونتواري وراء الخوف أبدا مش مصر ولا أهلها أحنا بس المصريين بالنا طويل شويه بس خلاص جيه الوقت ألي الناس تقوم فيه علي الطغيان وتثور لحقها المغتصب والمنهوب مظاهرات وأحتجاجات طلاب وأساتذه جامعه موظفيين مطحونيين وغلابه مش لاقيه لقمه العيش ولا شربه الميه ولا زجاجة دواء لعليل هد جسمه المرض المرض ألي أستوردوه مع قوت الناس الغلابه ضرب وسحل وأهانه وسجن وضياع حقوق وكلمة الحق خنوقها في صدور الأشراف ومنابر تنادي وتهلل وبالنفاق والضلال ودول هم أهل الصفوة والمعرفه الكلام بقي علي لسنا واحد والغضب في قلوب 77 مليون واحد وبكرة هيقوموا قومه رجل واحد وأحذر يا كل مغرور بمنصبك أو جاهك أو جبروتك من البركان المصري هيشلك في سكته وبدل ما تلفظ أنفاسك الأخيرة بشرف هتلفظها مع لعنات غير مأسوف عليك