لاعسل وطحينه ولا فول وبصل

العسل والطحينه مالهم يعني كانوا زماننننننننننننننننننننننننننننننننن أكله شعبيه ممكن يجبها الفقير يتغدي بيها هو وولاده وعدت السنين واصبح العسل والطحينه اكله ذواتي ولا يوجد سبب غير ان اسعارهم لم تصبح في متناول حتي العامله اقصد الي كانت عامله فما بالك بالفقير الذي يا دوب يجد ما يسد رمقه وطبعا لا استطيع ان أتحدث عن الأطعمه الي ربنا يجعل كلامنا خفيف عليها قد اصبحت من الممنوعات علي جماهير الشعب الجائعه وتخطت في خطورتها المخدرات واليعوذ بالله

كفايه علينا ألاصيل بس يدوم علينا وطبق الفول المصري (الأصيل) له تاريخ وشهره تفوق تاريخنا الفرعوني ولو انه اليومين دول شد حيله علي الغلابه هو والطعميه يعني لو الواحد أتجرء وطلب من بتاع الفول بربع جنيه فول يبص له بصه تخليه يشعر بالعار مثلا او ان الارض تنشق

وتبلعه لان التسعيره للدعة الفول اصبحت لحلوح كامل ومش عارفه كامل يعمل ايه

والي ما يعرفش اللحلوح هو الجنيه المصري المأسوف علي شبابه

ها........... فين ايام زمان لما كان

بتاع الفول الله يستره يحطلك الزيت الحار والكمون

علي الفول ويديك بصله وقرنين فلفل شطه نار يفتحوا نفسك وكل ده بشلن يعني لا عسل وطحينه وقريب مش هيبقي الفول كمان

وربنا يستر ونلاقي رغيف العيش الي سحلوه وخلو وشه لازق في قفاة ولو حته هنغمسه بالميه الي هي كمان ليها حكايه تانيه سترك يا رب

وزغرتي يالي مانتش معايا